Espezializazioak

UGLE ESKOLA • INDUSTRIA 4.0

Espezializazioaren Bila: Etorkizuneko Industriarantz

 

Gaur egungo industria-ingurunea abiadura bizian aldatzen ari da, digitalizazioak eta teknologia berriek bultzatuta. Testuinguru honetan, lehiakorrak izateko gakoa ez da soilik egokitzea, espezializatzea baizik. UGLEtik trantsizio horretan laguntzeko konpromisoa dugu, eta gure espezializazio-estrategia hiru zutabe nagusitan egituratzen dugu: langileen prestakuntza aurreratua, proiektu teknologikoen garapena eta punta-puntako azpiegituren erabilera.

01

Langileak prestatu: Lanbide Heziketako Masterrak

Goi-mailako titulazioa edukitzea abiapuntu bikaina da, baina merkatuko azken joera teknologikoetan sakontzea da lan-munduan nabarmentzeko gakoa. Horregatik, UGLEn Lanbide Heziketako Masterrak (Espezializazio Ikastaroak) eskaintzen ditugu. Programa hauek diseinatuta daude gure ikasleei etorkizuneko industriak (Industria 4.0) eskatzen dituen gaitasun tekniko espezifiko eta praktikoak emateko, enplegagarritasuna eta bikaintasuna bermatuz.

Gaur egun, bi espezializazio-lerro nagusi ditugu aukeran:

Fabrikazio Adimentsua

Ekoizpen-prozesuak optimizatu, digitalizatu eta automatizatu nahi dituzten profesionalentzako diseinatua:

  • KPI bidezko prozesu industrialen ezaugarritzea.
  • Datuen jasoketa eta kudeaketa ingurune industrialetan.
  • Intralogistika fabrikazio inguruneetan.
  • Industriako IoT (Gauzen Interneta) eta komunikazioak.
  • Robotika kolaboratiboa.
  • Metrologia aurreratua.
  • Sistema industrialen birtualizazioa eta simulazioa.

Zibersegurtasun Industriala

Gaur egungo ingurune konektatuetan, instalazio eta datu industrialak babestea ezinbesteko lehentasuna bihurtu da:

  • IT (Informazio Teknologiak) eta OT (Operazio Teknologiak) inguruneen arteko ezberdintasunak.
  • Sare industrial seguruen konfigurazioa.
  • Gailu industrialen babesa (Hardening).
  • Inzidentzien aurreko erreakzio-planak.
  • Zibersegurtasuna fase guztietan eta gainontzeko neurriekin integratzea.
  • Nazioarteko zibersegurtasun legeak eta araudiak.
02

Proiektuak garatu: Enpresei aplikatutako berrikuntza

Teoria ez da ezer praktika errealik gabe. UGLEn zubi-lana egiten dugu ezagutzaren eta enpresa munduaren artean. Gure ikasleek, DUAL modalitatean, zuzenean parte hartzen dute eskualdeko enpresa erreferenteen benetako erronkak ebazten. Lankidetza honi esker, enpresek soluzio teknologiko berritzaileak jasotzen dituzte eta gure ikasleek esperientzia praktiko paregabea bereganatzen du.

Egin ditugun proiektu nagusien adibideak:

CEGi Estator-en prestaketa prozesuaren hobekuntzarako azterketa eta simulazioa.
Arcelor Mittal Segurtasun kameretako irudien bidez kubeten trazabilitatea egiteko azterketa.
Bellota Langileen formakuntzarako errealitate areagotuko instrukzioaren prestaketa.
Smartlog Group Biltegi bertikal baten retrofit-a (eguneratzea) eta automatizazio proiektuak simulazio bidez frogatzea.
ULMA Forging Lodiera neurgailu baten integrazioa prozesu robotizatuan eta bin-picking soluzio baten azterketa piezak prozesuan alimentatzeko.
CIE Automotive Biltegiratze kudeaketa sistema berriaren inplantazioa.
Grupo Riza Labeetako errezeten kalkulurako adimen artifizialaren erabilera azterketa.
Plasnor Produkzio datuen jasoketarako sistema baten diseinu eta inplantazioa.
Sutargi Enpresaren gailu digitalen inbentariatze eta analisia zibersegurtasunaren ikuspegitik.
UGLE Tailer mekanikoan digitalizazio sistema baten inplantazorako azterketa.
03

Instalakuntzak erabili: Teknologia eskura

Espezializazioak eta berrikuntzak espazio egokiak behar dituzte esperimentatzeko, akatsetatik ikasteko eta ideiak balioztatzeko. Horregatik, gure baliabide teknologikoak ez dira gela itxiak; inguruko enpresa eta profesionalen zerbitzura dauden espazio biziak dira, ideiak prototipo erreal bihurtzeko espazioak, hain zuzen.

UGLElab 4.0: Ikerketa eta Simulazioko Industria Laborategia

UGLEk martxan jarritako industria laborategiak ikerketa eta simulazio azpiegitura egokia eskaintzen du. Gune hau tresna bikaina da, batez ere, enpresa ertain eta txikien (ETE) 4.0 industriarako irtenbideak probatzeko, diseinatzeko, esperimentatzeko eta enpresetako prozesuen simulazio errealak egiteko, merkatura salto egin aurretik arriskuak gutxituz. Informazio gehiago HEMEN.